ტერმინი ციფრული ეპოქის აბორიგენები (Digital Natives) ამერიკელ პროფესორს მარკ პრენსკის (Marc Prensky) ეკუთვნის. მან ეს ტერმინი  2001 წელს გამოიყენა. ის უმაღლეს სასწავლებელთა სტუდენტებს აკვირდებოდა და ტერმინი ახალგაზრდების შედარებით ახალი ჯგუფს დაარქვა. მისი თქმით, სიტყვათა ეს შეთანხმება იმ ახალგაზრდებს ესადაგება, რომლებიც კომპიუტერულ თამაშების, MP3 მუსიკალურ საკრავების, ციფრული კამერებისა და მობილური ტელეფონების გარემოცვაში გაიზარდნენ.უფროსი თაობისაგან განსხავებით, მათ არ მოუხდათ ტექნოლოგიური ბარიერის გადალახვა. მათ არც კომპიუტერზე მუშაობის სწავლება დასჭირვებიათ, ვინაიდან, ახალშობილებს  სახლებში კომპიუტერები დახვდათ. ისინი კომპიუტერს თამაშ–თამაშში დაეუფლნენ. ამიტომაც  ციფრული ეპოქის მკვიდრნი არიან. უფროს თაობას კომპიუტერზე სწავლა მოუწია და საერთოდ, მათ მაღალტექნოლოგიური მოწყობილობებით გაჯერებულ სამყაროსთან ადაპტაციის რთული პროცესი გაიარეს. რადგან კომპიუტერები მათ შემდეგ დაიბადნენ. უფროსი თაობა ახალი ტექნოლოგიური ეპოქის ემიგრანტები არიან. ემიგრანტები აბორიგენებთან ,,აქცენტით” ურთიერთობენ.